ಇವತ್ತಿನ ಬಜೆಟ್ ಬಾಷಣ ಶುರುವಾದ ಸ್ವಲ್ಪ ಹೊತ್ತಿನಲ್ಲೇ ವಿಧಾನಸಭಾ ಸಂಭಾಂಗಣದಲ್ಲಿ ಅಳವಡಿಸಿದ್ದ ಎಲ್ಲಾ ಮೈಕ್ಗಳು ಕೈಕೊಟ್ಟ ಘಟನೆ ನಡೆದಿದೆ.
ಘಟನೆಯಿಂದ ಬೆಚ್ಚಿಬಿದ್ದ ತಾಂತ್ರಿಕ ವರ್ಗ ಇನ್ನೇನು ನಮ್ಮ ಕಥೆ ಮುಗಿಯಿತೂ ಎಂದುಕೊಳ್ಳುವಷ್ಟರಲ್ಲಿ ಯಾರೋ ಒಬ್ಬರು ಯಾವುದೋ ವಿದಾನಸೌಧದ ಹಳೇ ಮೈಕುಗಳನ್ನೇ ಆನ್ ಮಾಡಿ ಪರಿಸ್ಥಿತಿ ನಿಭಾಯಿಸಿದ್ದಾರೆ.
ವಾಸ್ತವದಲ್ಲಿ ಕೆಲವೇ ತಿಂಗಳ ಹಿಂದೆ ಹೊಸ ಮೈಕ್ ಗಳನ್ನು ಅಳವಡಿಸಲಾಗಿತ್ತು ವಿಧಾನಸೌದದ ತಾಂತ್ರಿಕ ವಿಚಾರಗಳನ್ನು ಉಸ್ತುವಾರಿ ಹೊತ್ತಿರುವ ರಾಮಲಿಂಗಯ್ಯ ಎಂಬ ಅಧಿಕಾರಿ ಕಳಪೆ ಮೈಕುಗಳನ್ನು ಅಳವಡಿಸಿದ್ದಾರೆ ಎಂಬ ಸಂಗತಿ ಈಗ ಬಯಲಿಗೆ ಬಿದ್ದಿದೆ.
ವಿದಾನಸಭೆಯ ಕಾರ್ಯದರ್ಶಿ ಮೂರ್ತಿ ಅವರು ಅಧಿಕಾರಿಯನ್ನು ಕರೆದು ವಿಚಾರಿಸಿದರೆ ಎಂಎಲ್ ಎ ಗಳು ವೈರ್ಗಳನ್ನು ಟ್ಯಾಂಪರ್ ಮಾಡಿದ್ದಾರೆ ಎಂದು ಸಬೂಬು ನೀಡಿದ್ದಾರಂತೆ..!.
ಅಧಿಕಾರದ ಮುಖ್ಯ ಕೇಂದ್ರದಲ್ಲೆ ಗೋಲ್ ಮಾಡಿರೋ ಅಧಿಕಾರಿ ಬಗ್ಗೆ ತನಿಕೆ ನಡೆಸಲು ಸ್ಪೀಕರ್ ಯೋಚನೆ ಮಾಡುತ್ತಿದ್ದಾರೆ.
ಇವತ್ತೇನಾದರೂ ಮೈಕ್ ಕೈಕೊಟ್ಟಿದ್ದರೆ ಬಜೆಟ್ ದಿನ ದೊಡ್ಡ ರಾದ್ದಾಂತವೇ ನಡೆದುಹೋಗುತ್ತಿತ್ತಂತೆ.
ಸರ್ಕಾರಿಬಾಬು.ಕಾಂ 